بعد مرات بنسمع عن انسان نجح في مجال معين مثلا فلان عمل متجر بتاع تلفونات ونجح وهسه بقى مرطب ومرتاح , فلان عمل شركة بتاعت تصميم مواقع ويب وبرامج ,فلانه نجحت في مشروع الحلويات والمخبوزات العملته براها , فلان عمل مدرسة خاصه وبقى هسه عنده عمارات في الخرطوم , فلانه عندها مشغل بتاع ملابس بتعمل ملابس وفساتين وناجحه .
لاحظ معاي انه القاسم المشترك هنا اسمه الناس كيف؟؟
يقول غاندي(يتجاهلونك ثم يسخرون منك ثم يحاربونك فتنتصر)
الناس لمن تعمل حاجه جديدة او تدي فكرة بسخروا منك ,انت بعد داك لو سمعت كلامهم ورضخت ليهم حتنهزم بسهولة , بس لو رفضت كلامهم وواصلت في ظرف فترة معينه حتنجح , ولك في جاك ما خير مثال .
المهم , انا هنا ختيت افكار بسيطه لمشاريع عمليه وناجحه تقريبا
1)الحلويات والمخبوزات:
ودي خاصه للنساء (اخواتنا وامهاتنا) لانها مابتحتاج لأكتر من كورس بتاع مخبوزات وحبة مواد بسيطه ونبدأ طوالي بالعمل والانتاج , التسوي ماصعب ممكن تستخدم الفيس بوك والانستاغرام (لانه خاص فقط بالصور والفيديوهات) واهم حاجه تكون عندك روح الابداع .
2)مشغل ملابس :
الكثير من الناس يحب الابداع ,بس بالدارجي كدا انت لازم تكون فنان يافرده , مثلا تعمل ملابس خاصه بيك ,تعمل ابتكارات وموضه جديدة المهم ماتمل ,الناس بتحب الجديد دايما .
3)شركة تطبيقات اندرويد وios:
اخواننا المبرمجين ,بما انه سوق العمل بقى صعب وامكن تتخرج وماتلقى شغل ليه ماتشتغل براك يعني انتوا اكتر ناس مستفيدين من الانترنت في السودان لانه اي خدمة ممكن تقدموها بتجيب قروش عكسنا نحنا المهندسين التانيين .الواحد ممكن يعمل تطبيق لي شركه لي جامعه لي مؤسسه حكوميه لي مؤسسه خاصه لي صحيفه لي برنامج ساخر لي برنامج أطفال حتى لي فريق رياضي .ممكن تعملها اذا انت عايز وممكن لا الخيار ليك( ^_^)
4)محل لبيع المشغولات الفنيه :
معظم الناس في السودان بتهتم بي الجوانب الاساسيه وتنسى الجانب الفني , تخيل انت وفي حالة زهج كدا عاينت لي الحيطة ولقيت البوهية بتاعتها بشكل جميل ولا لقيت لوحه فنيه ذات فسيفساء ساحره .طبعا لو اشتغلت بالمبدأ ده فأحسن تبدا بمجال الفن والفنون على العموم يعني لازم تكون انسان ذواق عندك ذوق.مع الاخذ بعين الاعتبار عدم تصوير ذوات الأرواح
5)شركة لأعمال الالكترونات وتطبيقاتها:
مجالي الحبيب ,ابسط امثلته شركة لعمل الروبوتات المنزلييه او التفاعليه أو حتى انترنت الأشياء الموضوع مابستاهل أكتر من فكرة وتتفنذ , مثال جهاز ترفيه منزلي أو حتى طائرة السيلفي
في حاجات كتيره تانيه مااتطرقتها ليها بس اهم حاجه تنسى كلام الناس وتبدأ عملك
استودعكم الله الذي لاتضيع ودائعه والسلام عليكم ورحمة الله تعالى وبركات وإلى مدونة جديدة أخرى إن شاء الله
لاحظ معاي انه القاسم المشترك هنا اسمه الناس كيف؟؟
يقول غاندي(يتجاهلونك ثم يسخرون منك ثم يحاربونك فتنتصر)
الناس لمن تعمل حاجه جديدة او تدي فكرة بسخروا منك ,انت بعد داك لو سمعت كلامهم ورضخت ليهم حتنهزم بسهولة , بس لو رفضت كلامهم وواصلت في ظرف فترة معينه حتنجح , ولك في جاك ما خير مثال .
المهم , انا هنا ختيت افكار بسيطه لمشاريع عمليه وناجحه تقريبا
1)الحلويات والمخبوزات:
ودي خاصه للنساء (اخواتنا وامهاتنا) لانها مابتحتاج لأكتر من كورس بتاع مخبوزات وحبة مواد بسيطه ونبدأ طوالي بالعمل والانتاج , التسوي ماصعب ممكن تستخدم الفيس بوك والانستاغرام (لانه خاص فقط بالصور والفيديوهات) واهم حاجه تكون عندك روح الابداع .
2)مشغل ملابس :
الكثير من الناس يحب الابداع ,بس بالدارجي كدا انت لازم تكون فنان يافرده , مثلا تعمل ملابس خاصه بيك ,تعمل ابتكارات وموضه جديدة المهم ماتمل ,الناس بتحب الجديد دايما .
3)شركة تطبيقات اندرويد وios:
اخواننا المبرمجين ,بما انه سوق العمل بقى صعب وامكن تتخرج وماتلقى شغل ليه ماتشتغل براك يعني انتوا اكتر ناس مستفيدين من الانترنت في السودان لانه اي خدمة ممكن تقدموها بتجيب قروش عكسنا نحنا المهندسين التانيين .الواحد ممكن يعمل تطبيق لي شركه لي جامعه لي مؤسسه حكوميه لي مؤسسه خاصه لي صحيفه لي برنامج ساخر لي برنامج أطفال حتى لي فريق رياضي .ممكن تعملها اذا انت عايز وممكن لا الخيار ليك( ^_^)
معظم الناس في السودان بتهتم بي الجوانب الاساسيه وتنسى الجانب الفني , تخيل انت وفي حالة زهج كدا عاينت لي الحيطة ولقيت البوهية بتاعتها بشكل جميل ولا لقيت لوحه فنيه ذات فسيفساء ساحره .طبعا لو اشتغلت بالمبدأ ده فأحسن تبدا بمجال الفن والفنون على العموم يعني لازم تكون انسان ذواق عندك ذوق.مع الاخذ بعين الاعتبار عدم تصوير ذوات الأرواح
مجالي الحبيب ,ابسط امثلته شركة لعمل الروبوتات المنزلييه او التفاعليه أو حتى انترنت الأشياء الموضوع مابستاهل أكتر من فكرة وتتفنذ , مثال جهاز ترفيه منزلي أو حتى طائرة السيلفي
في حاجات كتيره تانيه مااتطرقتها ليها بس اهم حاجه تنسى كلام الناس وتبدأ عملك
استودعكم الله الذي لاتضيع ودائعه والسلام عليكم ورحمة الله تعالى وبركات وإلى مدونة جديدة أخرى إن شاء الله
ليست هناك تعليقات:
إرسال تعليق